Freyja tímabundin

Hér mun kjúlli sjálfur bulla í óákveðinn tíma þar til kjúlli sjálfur lifnar aftur til lífsins. Njótið heil

sunnudagur, apríl 30, 2006

Hejsan Hejsan Klara Vappen!

Gott með þig!

Hver vissi að þetta væri komið úr dönsku? rétt upp hönd! (eins gott að kunna þennan frasa fyrir haustið mar..) Ég hafði ekki hugmynd - ég hélt ég væri farin að nota kúl unglingamál..en neinei, danska er greinlega bara orðin inn núna!

Síðustu metrarnir hérna í Bachelore of Education ...alveg alveg alveg að verða búin! Er enn með nokkur vafamál á borðinu hjá mér sem farið verður yfir í kvöld/nótt/morgun. Vonast til að skella þessu í gormun á morgun. Sjáum til sjáum til. Að minnsta kosti á þriðjudaginn kl 16:00 verð ég komin með rauðvín í hönd og verð hamingjusöm!

Núna er bara að leggjalokahöndina á þetta. Komin frábær lærifélagi hér í stærfræðistofuna, Golli the dog! Ponsulítill og sætur :)

föstudagur, apríl 28, 2006

Bloggað með sólgleraugum


Ég semsagt fór á línuskauta í gær. Þetta er sönnun þess !

Það er ekkert annað, það er svo mikil sól í dag að ég er farin að blogga með sólgleraugun á mér! Nei það er reyndar bara útaf stemmingunni. Ég fór í sund í dag og varð rjóð í framan. Ég lærði nánast ekkert í dag en hjálpaði mörgum öðrum við sín verkefni. Ég nenni ekki, langar ekki og vil ekki læra. Því hef ég ákveðið að skella mér til Evu að horfa á sjónvarp frameftir kvöldi! Já, allt of langt síðan ég hef gert það! Svo langt síðan ég hef notið lífsins. Alveg heil vika. Heil vika. Viku of langt.

miðvikudagur, apríl 26, 2006

DK resan í myndum

...alveg að verða búin

Kl er 01:02
Það er aðfaranótt miðvikudags
Ég er búin að læra stanslaust síðust 4 sólarhringana með örlitlum hléum fyrir socialiseringu og svefn.
Stefnt er að öðrum 6 sólarhringum til viðbótar.
Í dag skilaði ég flottu verkefni á geisladisk. Mikill metnaður í útlitið á innihaldinu. Síðan þegar kom að því að gera geisladiskahulstrið tilbúið missti ég móðinn og gerði það sjúklega ljótt. En hvað það verður gaman hjá kennaranum að opna svo diskinn í tölvunni og uppgötva að ég hef smá smekk efitr allt saman ! ;)
Á fimmtudaginn ætla ég að snæða hátíðarmat í hádeginu
Á laugardaginn ætla ég að vinna hópverkefni
Á þriðjudaginn í næstu viku ætla ég að drekka kokteil með kennurnum mínum.
Í næstu viku stefni ég að því að verða fullorðin.
Til að undirbúa það plan keypti ég mér kaffibrúsa í dag. Núna tek ég með mér kaffi í nesti í stað þess að kaupa kaffisull dýrum dómum.

Hver ætlar annars að halda júróvisionpartý??

Þessi pistill var í boði Lokaritgerðarinna: Netnám á grunnskólastigi - nútíð og framtíð.

þriðjudagur, apríl 25, 2006

Hyldýpi fullorðinsvorkunnar

Jájá, það lítur allt út fyrir að næstkomandi vetur verði ég orðin respectable umsjónarkennari. Bara tímabundið samt. Stefnan enn tekin á lýðháskólann á vorönn...gæti samt dregist fram í mars. Ég er að verða fullorðin. Officially.

mánudagur, apríl 24, 2006

Súrt líf

Til að byrja með, afmælisóskir

- Til hamingju með afmælið 16. Helga!
- Til hamingju með afmælið 20. Rásta!
- Til hamingju með afmælið í dag Bjarnheiður!

Næst :

Jólasnjór+madpakke+32 bls af netnámi+atvinnupælingar+sveiflur á milli örvæntingar (klára aldrei þessa helv ritgerð) og gleði(jú, þetta er alveg að takast!) + endalaustar umræður um B.ed. + pizza + þreyta + spenningur + flutningsplön = Dagurinn minn í dag!

Þessi pistill var í boði súru Freyju sem verður súr þar til á fimmtudaginn í næstu viku!

sunnudagur, apríl 23, 2006

Flittig Freyja

Hvað er málið með snjóinn í fjöllunum og gráa og ljóta veðrið? Mig langar í sól! Það er nú einu sinni komið sumar!
Eitt stykki margmiðlunardiskur tilbúinn með mismerkilegum og gáfulegum texta sem tilheyrir Leikjakúrs sem ég var að klára. Fjúkk...eitthvað búið amk ! Nú sit ég bara hér og svitna yfir öllum athugasemdunum við B.edið mitt frá kennaranum mínum. Well, henni finnst þetta fallegri ritgerð en mér finnst...en það eina sem hægt er að gera í því núna er hreinlega að spíta í lófana og laga þennan texta þar til hann verður prenthæfur! Ekkert annað í boði.

Aðal umræðuefni í Kennó þessa dagana er hvert fólk er búið að ráða sig í vinnu. Þá fæ ég illt í magann...ég er náttla ekkert búin að gera í þessum málum í langan tíma og hef ekki tíma fyrr en í maí...þá verður það eflaust of seint. Hvar ætli ég endi næsta vetur.....sem verslunarstjóri í Nettó? Seinnitímavandamál...

Jæja, þetta gengur ekki. Ég þarf að fara að koma mér niður í skóla til að fá aðgang að Encyclopedia of distance learning sem ég fæ bara aðgang í gegnum KHÍ netið. Spurning hvort að ég ætti að hita mér kakó og taka með mér í hitabrúsa? Ég fæ amk góða pásu í kvöld þegar ég fer í afmæliskaffi til Helgu :) Ohh hvað það verður gott að hitta fólk sem talar ekkert um B.ed! :)

Þessi pistill var í boði námsálags sem einkennist alltaf af extra mörgum stafsetningarvillum, úrillu og bloggþarfar. Kemur oftast fram í Maí...en er óvenju snemma á ferðinni þetta árið.

fimmtudagur, apríl 20, 2006

Síðasta bloggið úr bælinu mínu í Álaborg

Nei ok, ég ætti kannski ekkert að vera að kalla vinnuaðstöðuna mína hér bæli! Mér finnst það amk ekki líta sem verst út með sól og rósunum sem ég skellti á borðið í tilefni fyrsta sumardagsins. En það er augljóst að ég er búin að setja minn svip á herbergið með því að henda draslinu mínu út um allt!

Eruð þið búið að sjá Google calandar? Mjög kúl tæki og hægt að gera ótrúlega hluti með það. Mæli með að þið lesið greinina hans Sigurðs Fjalars um þetta hér. Ég er búin að fá mér svona, og bráðum verð ég búin að útfæra þetta líka fyrir allt yndislega norræna samstarfið mitt :)
Að lokum áður en ég hef niðurpakningu og matartilbúning (sem verður forvitnilegur með því litla hráefni sem ég fann í dönsku súpermörkuðunum!!) : hafið þið reynt að segja Rødgrød med fløde með alvöru dönsku r-i? Eftir að ég var búin að hlægja óþarflega mikið að tilraunum Henriks til að segja íslenskt R þá fattaði hann uppá að reyna að kenna mér danskt R. Það varð eiginlega bara miiiiiklu erfiðara og fáránlegra en hans tilraunir til að segja íslenskt R. Ég lít alltaf út eins og ég sé að kæfa sjálfa mig með tungunni minni þegar ég reyni þetta!! Spurning um að skella einni kartöflu í hálsinn og reyna svo... ? ;)

Ef fólk vill annars ná sambandi við mig næstu tvær vikurnar verð ég uppí Kennó. Eftir það verð ég vonandi einhverstaðar að vinna. Og svo frá og með sirca 10. maí finnið þið mig í tilvonandi bælinu mínu í Árbænum! :)

Kærlige hilse
Lykkelige Freyja Posted by Picasa

Gleðilegt sumar!

Sumar og vetur frusu víst saman á Íslandi. Það gleður mig, þá verður sumarið vonandi gott!

Yfir morgunmatnum komst ég að því að danir geta skipt um eftirnafn bara sisvona! Ef að yfir 2000 aðrir heita eftirnafninu sem þig langar í þá bara skelliru þér á það! Það er meira að segja ókeipis núna frá 1. apríl. Þér er einnig heimildt að breyta millinafni í eftirnaf. Spurning hvað ég myndi velja ef ég væri dani.... Freyja Fjóla ! hahaha :) Og þetta nota Danir alveg óspart, það eru um 3000 manns búnir að breyta nafninu sínu á síðustu 20 dögunum! Og flestir eru víst að flýgja frá eftirnöfnum sem enda á -sen. Ætli þetta séu Baugsáhrif...danir farnir að hata okkur íslendinga svo mikið að þeir vilja ekki einu sinni láta eftirnöfnin sín minna á íslensk eftirnöfn!
Annars keypti Danski bankinn víst hlut í KB banka og er nú þegar búin að tapa stórfé á því ;)
Ég er ekki ennþá að ná því afhverju fólk hendir ekki í mig tómötum hér þegar það uppgötvar þjóðerni mitt... ;)

Þessi pistill var í boði e-potfolioins sem ég er að vinna að núan og 1995 Hit Mix sem ég er að hlusta á :)

miðvikudagur, apríl 19, 2006

Scoresbysundsvej

Hvað er málið með þessar gengisbreytingar?? Danska krónan komin í 12,48!! hvað er málið? Þegar ég fór út í fyrsta skipti þetta árið þá var gengið 10! úfff :s Kannski við ættum bara að skipta yfir í evruna eftir allt saman?

Síðustu tvo dagana er ég búin að eyða dögunum mínum hér á Aalborg kolleget að læra. Henrik hendir mér á fætur snemma á morgnanna svo að ég hef náð að vera fornuftig og dugleg í tvo daga. En ekki þar með sagt að það sjáist á verkefnabunkanum, hann er einfaldlega of stór... sem þýðir andvökunætur næstu 2 vikurnar :s Ég ætla að halda áfram í fornuftighetunum á morgun en á föstudaginn tekur kæruleysið við í Árhúsum, höfuðstað drottningarinnar og Rástu þar sem ég ætla að leggjast í lagkökuát í nokkra klukkutíma áður en ég hoppa uppí lest útá Kastrup. Var svo að frétta í dag að líklegast fer ég aftur til Köpen í Maí. Þá verð ég búin að fara til Danmerkur 4 sinnum á fyrstu 5 mánuðum ársins! Geri aðrir betru!

Annars er mest lítið að frétta. Það rignir í DK og þið nennið sko ekki að lesa um hversu hamingjusöm ég er í paraleiknum ;)

þriðjudagur, apríl 18, 2006

Ljúfalífið á enda og alvaran tekur við

Road-trip um Danmörku og smá Þýskaland að baki. Frábær ferð. Nokkrir hápunktar:

- að komast útúr Kaupmannahöfn=flókið
- unglingurinn í aftursætinu
- allir sætu ökumennirnir á motorvejen
- bílalyftan
- dejlige stundir á þjóðveginum
- Þýskar búðir
- Freyja ofurstjórnsama í aftursætinu
- Alma ofur smörrebrödsdama
- Eva kortalesarinn
- Sólgleraugun
-Randers Regnskov
- Ferðin í heildina
Ég er léleg í að segja ferðasögur á bloggum, fólk bara verður að fá þetta allt í æð!
Á laugardaginn brunuðum við svo úr regnskoven bein til Århus þar sem við fundum lestarstöðina á mettíma og ég keypti mér miða 4 mín fyrir brottför. Hefði nú ekki þurft að drífa mig svona mikið í lestina, hún var sein, ég þufti að skipta yfir í rútu hluta af leiðinni og í endann var ég alls ekki viss um að hún myndi svo stoppa á Fjóni. En lukkan var með mér og ég komst í sveitasæluna á Fjóni þar sem ég eyddi svo páskadegi. Á sama tíma voru jú Eva, Alma og Rásta að stíga sín fyrstu skref á frægðarbrautinni hér í DK þegar þær komust í sjónvarpið með íslenska fánann að veifa drollunni í Århus!

Lífið á Fjóni var jú bara draumur, afslappelsi, góður matur og góðar gönguferðir! Gaman að sjá æskuslóðirnar hans Henriks og hitta fjölskylduna :) Ég endaði með 2 íslenskunemendur til viðbótar og skemmti ég mér konunglega yfir framburði dananna sem ekki geta sagt íslenskt R. Reyndar var það nú svolítið vandræðalegt þegar pabbi hans Henriks sló mig út í þekkingu á íslandssögunni... en svona er þetta ;)

En nú hefur alvaran tekið við aftur, mér var hent á fætur kl 5 að íslenskum tíma og nú sit ég hér sveitt og bíð eftir leiðréttu eintaki af lokaritgerðinni frá kennaranum mínum. Betri helmingurinn er hjólaður af stað í skólann svo að ég hef herbergið hans útaf fyrir mig í dag. Á föstudaginn ætla ég svo í lagkage til Rástu í Århusum áður en ég held aftur á Kastrup til þess að fljúga á klakann. Þetta er víst síðasta heimsóknin til DK í bili, nú er komið að Henrik að ferðast - enda ætlar hann að stoppa í heilan mánuð í sumar :)

Jæja....verkefnin skrifast víst ekki af sjálfum sér, eins gott að byrja áður en kl nær að verða 7 á Íslandi!

þriðjudagur, apríl 11, 2006

Tungutak

Hver man ekki eftir því þegar Freyja missti röddina fyrir 3 árum síðan? Eftir áralanga baráttu við hálskirtla sem voru eitt stórt graftarkíli ákvað einhver læknaséní að taka þá úr. Í aðgerðinni var ég svæfð og til þess að læknirinn gæti athafnað sig klemmdi hann tunguna á mér með einhverskonar járnskeifu svo að hún myndist haldast útúr mér. Þetta tókst ekki betur hjá greyinu en svo að hann klemmdi einhverja taug í vinstri hluta tungunnar og ég gat ekki rifist við fólk í 3 mánuði því mér fipaðist alltaf þegar ég var orðin æst. Þar sem ég er svo mikill talsérfræingur tókst mér þó að tala tiltölulega eðlilega á meðan lömuninni stóð (svona þegar ég var ekki að æsa mig). Síðan fékk ég nú aftur máttinn í tunguna...en málið er að förin eftir töngina eru ennþá í tungunni minni! Það sést ekki alltaf, en núna þegar ég var að bursta tennurnar sást það vel. Það er ógeðslegt...svona eins og ég sé búin að móta för ofaní hliðarnar á tungunni minni.

Vil svo bara minna fólk á að taka backup af tölvunum sínum reglulega. Það er mjög sniðugt!

mánudagur, apríl 10, 2006

Ferða Freyja

Þá eru þessar 24 blaðsíður farnar til kennarans míns sem vonandi sér eitthvað jákvætt útúr þeim yfir páskaegginu sínu og sendir mér jákvæð og skemmtileg komment eftir páska. Krossa fingur! Ritgerðin er samt ekkert búin, bara gat ekki skrifað meira fyrir páska og því verður enn meira skrifað eftir páska...ásamt þessum 4 kúrsum sem ég á eftir að klára....jábbs, tipical situation!Hér gefur svo að líta kaggann mikla sem ætlunin er að ég sæki á hádegi á miðvikudag í miðborg Kaupmannahafnar. Ég vona að ég verði ekki þunn eftir páskabjórinn sem ég ætla að drekka annað kvöld!


Eins og sést svo á þessu korti er æltunin að þræða sem stært landsvæði í DK á þessum rúmum 4 dögum sem ég mun eyða með Ölmu og Evu roadtrippurum! Þegar þær skella sér svo í að heiðra drolluna á afmælisdaginn hennar (sem einnig er afmælidagur Helgu og páskadagur í ár) ætla ég að skella mér á æskuslóðir Henriks á Fjóni. Það eru afslöppunardagarnir áður en við skötuhjúin ætlum svo til Álaborgar að læra. Jájá, lærdómurinn bíður víst ekki þó svo að ég sé stödd í DK svo að tíminn verður nýttur.

Annars er ég bara spennt. Road tripið verður ævintýri, yndi að vera á Fjóni og svo fæ ég vonandi að sjá Álaborg í aðeins betra veðri en síðast þegar ég kom! Frétti af sólskini í DK í dag - eins gott að það haldist næstu 2 vikurnar!

Kannski sniðugt að fara að prenta út upplýsingar um ökuleiðir og hlaða batteríin á myndavélinni. Eins gott að ég komi nú heim með góðar myndir úr þessari ferð :)

Segi bara gleðilega páska, njótið lífsins, það ætla ég sko heldur betur að gera þessa páskana!!

sunnudagur, apríl 09, 2006

Blogg fyrir sjálfa mig

...þar sem ég virðist vera sú eina sem les þetta (miðað við notkun kommentakerfisins!!)

Síðan á föstdag er ég búin að :

- Skrifa sirca 10 bls í B.ed
- Borða ógurlegt magn af bara óhollum mat og kökum og drekka mikið gos
- Synda stresssund
- Talað við helling af fólki um B.ed
- Keypt páskaegg
- Stressað sjálfa mig upp útaf fáránlegum hlutum
- Ákveðið að reyna að hætta að keppast alltaf við að gera allt mest og...
- Gleymt heilan kalkún...hann stendur ennþá í mér
- Eytt gæðastundum með uppáhalds ormunum mínum
- Vaknað alltaf á undan vekjaraklukkunni...útaf stressi
- Dreymt ferðadrauminn, AFTUR! kominn tími á að fara að pakka
- Áttað mig á því en meira en áður hvað ég á í raun frábært líf! :)

Til að toppa þessa upptalningu ætla ég að setja væmna mynd með þessum post! Þetta blogg er hvort sem er bara lesið af mér ! ;)


Officially verstu myndatökumenn í heimi!

Bara 6 dagar í næsta knús!! :)

laugardagur, apríl 08, 2006

Eldhús eftir máli í öðru veldi

Nú er ég búin að sjá snildarleikritið Eldhús eftir máli tvisvar sinnum! Ég var svo heppin að það var búið að skipta út tveim leikkonum svo að ég fékk að sjá svolítið öðruvísi útgáfu í seinna skiptið. Þetta leikrit er alveg frábært! Nú er komið að því að kaupa sér smásögurnar hennar Svövu Jakobs og sjá hvort þær eru eitthvað líkar leikritinu. En það er bara svo mörg hárbeitt atriði í þessu leikriti sem passa við sama á hvaða tíma þau eru sett fram.

Bróðir hennar Svövu, Jakob Jökuls er einmitt höfundur leikritsins Pókók sem að bróðir minn er að leika í þessa dagana. Ég stefni einmitt að fara á sýninguna 7. maí og ef þið viljið koma með endinlega verið í bandi! Það sem ég er búin að heyra af leikæfingunum heima hjá mér er þetta frábært leikrit :)

Þessi pistill var í boði leikhúsrottunnar sem býr inní mér þó ég fari allt allt allt of sjaldan í leikhús!

föstudagur, apríl 07, 2006

Frekjan.is

er ég í dag. Greyið fólkið sem fékk spurningalistann frá mér, það er búið að fá 3 pósta frá mér á 5 dögum! Já, þetta kallar maður samkvæmt Jónasi að vera metnaðarfullur nemandi. Á mínu máli er þetta bara eintóm frekja. En mér er sama, mig vantar þessi svör!

fimmtudagur, apríl 06, 2006

kl er 23:26...

...og það eru nákvæmlega 2 klst síðan ég ætlaði að fara að sofa - en svefninn er ekki beint að leika við mig þessa dagana.

Fór að pæla í því í dag hvort að vorið myndi ever koma. Reyndi mitt besta til að ákveða að sumarið í sumar yrði hlýtt og notarlegt...en ég er ansi hrædd um að ég hafi engi völd yfir veðurguðunum. Kannski því ég trúi ekki á þá, kannski því að náttúran er meira óútreiknanleg en hugsanir mínar.

Á morgun eru úrslit í Idol. Spurning um að horfa á þáttinn? Horfði á síðasta þátt vel í glasi á Viktor eftir frábæran föstudag. Ég er ansi hrædd um að morgundagurinn verðir ekki jafn frábær. En hann verður fornuftig.

Ég er í hönnunarham. Langar akkurat núna í íbúð sem ég get innréttað frá A-Ö með danskri og finnskri hönnun + Ikea til að fylla í eyðurnar. Ef ekki íbúð þá að vera svalur webdesigner sem kann að hanna flotta hluti.

12. apríl um 9 leitið að dönskum tíma ætla ég að vera stödd á The Laundromat Cafe í Köpen að borða morgunmatinn minn og vonandi að fjárfesta í einhverri frábærri bók. Ólíklegt að ég hafi nokkuð til að þvo því páskaferðin hefst jú bara daginn áður. Kl 12 á hádegi sama dag verð ég svo stödd á Hertz bílaleigunni í miðborg KBH að sækja kaggann sem verður notaður í Roadtripið ógurlega. Um kl 14 sama dag verð ég villt á leið minni frá Center CPH til Kastrup. Á meðan munu Eva og Alma gæða sér á rauðum pylsum í boði Fylkis þar til þeim verður bumbult. Þetta verður massaður dagur.

Fór að taka eftir því að ég er allt of mikið fyrir að gera lítið úr hlutunum sem ég geri og gera mikið úr hlutunum sem ég næ ekki að gera. Þetta gefur algjörlega skakka mynd af mér sem persónu og því hef ég ákveðið að hætta því. Ég er kúl person sem er með skólann á hælunum en gott ferðaplan fyrir páskana. Var náttla ekki búin að segja ykkur að þó svo að ég nái ekki að sjá Drolluna í ferðinni góðu (sökum annríkis við purusteikarát á Fjóni) þá fæ ég amk kaffe og lagkage hjá Rástu afmælisbarni áður en ég bruna aftur útá Kastrup (þetta skiptið með lest með hjálp Wildcard).

Ég er farin að svara öllum sem reyna að komast að í dagbókinni minni með þessum orðum : já, ég tala við þig eftir páska, eða hvað ertu að gera í maí annars?

Ég sakna UniCafé í kennaradeildarbyggingunni sem var með svo flott útsýni yfir sjóinn. Sakna þess að borða uppáhalds pastað mitt og uppáhald brauðið mitt fyrir 220 krónur á dag.

Það sem mig langar mest af öllu er að taka wordskjalið sem heitir : B.ed-Freyja.doc og ýta á delete...

Þessi niðurdrepandi póstur var í boði LÍN - námslán sem leyfa kennaranemum að ferðast tvisvar til Danmerkur á sama Visatímabili!

miðvikudagur, apríl 05, 2006

Starfsframi A, B, C og D!

Bachelore ritgerðar umræður sleppið þið ekki við næsta mánuðinn, sorry!

Við Jónas, félagi í ritgerðarkrísunni, vorum að ræða áðan um hversu hræðilegar sumar lokaritgerðir eru. Ég lofaði Jónasi að ef ég skilaði svona ömurlegri ritgerð væri komið að því að hætta þessu og snúa sér að Plan B. En hvað er Plan B?


Starfsframi A: Kennari (auðvitað...) Þetta er þó mjög víðfermt hugtak því að hér getur verið um að ræða öll möguleg störf innan menntageirans. Það er svo margt sem að ég gæti hugsað mér í þeim efnunum - allt frá því að vera bekkjarkennari á miðstigi yfir í að vera bara menntamálaráðherra..haha, nei kannski ekki alveg :)


Starfsframi B: Ruslakallafyrirtækið. Á stjórnmálafræðiárinu mínu ákváðum ég, Eva og Gunni Palli að það væri sko frami í ruslakallamálum. Fyrirtækið okkar gekk útá að sjá um að hreinsa upp ruslið hjá öllum á höfuðborgarsvæðinu, Eva keyrði, ég stjórnaði og Gunni Palli hljóp eftir tunnunum :) Ennþá mjög góð hugmynd!

Starfsframi C: Blómabúðin góða. Það er búin að vera draumur hjá mér lengi að fara í garðyrkjuskólann og læra blómaskreitingar og opna svo mína eigin blómabúð. Hver veit nema að ég skelli mér í það einn daginn :)

Starfsframi D: Sundmótarekstur. Öll þessi ár sem ég eyddi í hitanum og rakanum í Sundhöllinni var sko ekki eytt til einksins! Við Kristján eyddum hverri lausri mínútu í að rökræða og plana framtíðarfyrirtækið okkar þar sem við ætluðum að ferðast um Evrópu og skipuleggja, setja upp og framkvæma sundmót :) Þessu plani hefur bara verið frestað aðeins, kannski svona til fertugs.

Fleiri starfsframar hafa vissulega komið við sögu í mínu stóra ímyndunarafli og má þar nefna: verslunarstjóri í Nettó, skipstjóri, ljósmyndari, grafískur hönnuður, upplýsingarfulltrúi, svefnrannsóknartilraunadýr og fleira.

Sumartíminn...


...er alltaf æði! Í sumar gerast fullt af skemmtilegum hlutum (auk þess að ljóta ritgerðin verður búin )

- ég ætla mér að öllum líkindum að flytja að heiman!
- skemmtileg sumarvinna með frábærum félagsskap
- Sól!!
- húsakosti mínum ætla ég að deila með yndislegum manni hluta úr sumri
- fjöldamörg ferðalög eru planlögð... um Ísland!
- verð árinu eldri
- útskrifast (ef ég hætti að blogga og fera að læra)
- Íris og Siggi ætla að gifta sig !
...og svo ótal margt annað. Ég bara get ekki beðið eftir þessu sumri, það verður eitt af þeim betri :)

þriðjudagur, apríl 04, 2006

Vandræðalegt....

Í morgun hringdi einn af kennurunum mínum í mig (já, það er alveg eðlilegt) á skype og var með tæknilegar pælingar. Þegar við vorum svo í miðju kafi að reyna að finna útúr Ftp aðganginum í kennó og fleiru þá fer hann að tala um tímann sem var í síðustu viku í kúrs sem ég er í hjá honum.
Ég : ha? var tími í síðustu viku?
Hann: já, varstu að skrópa!
Ég (ógó skömmustuleg): uhh..var búin að steingleyma því! ...hvað var þessi tími eiginlega um??


Vandræðalegt!

Note to self: Mæta í skólann þessi fáu skipti sem það eru tímar!!

mánudagur, apríl 03, 2006

Hormónar smormónar

Ég hef alltaf verið ósátt við að vera svo óheppin að hafa ekki fengið unglingabólur fyrr en eftir tvítugt (amk að einhverju ráði). Núna er ég svo slæm að andlit mitt lítur oftast út eins og á 14 ára strák sem er kominn á róakúdan - bakið á mér er það slæmt að ég vil ekki fá sumar, því þá fer ég að vorkenna fólki í kringum mig þegar það fær að sjá bakið á mér. Verst þykir mér að vita af því að móðir mín var svona framá fertugsaldur...það þýðir 20 more years for me!

Hvað er annars málið, er enginn að lesa bloggið eða bara allir of feimnir til að kommenta? Ég bara spyr.. :)

Kennarastéttin = kellingar á aldrinum 40-49 ára!

Hagstofan var að gefa út einhverjar fancý tölur um kennarastéttina fyrir stuttu. Þar kemur meðal annars fram að karlmönnum fækkar í stéttinni og að fólk(konur) á aldrinum 40-49 ára er stærsti hópur kennara. Fólk undir 29 ára eru aðeins 10% kennara! Hvað ætli séu margir kennarar 23 og 24 ára? ...jújú 35 !! á öllu landinu voru 35 kennara, deildastjórar, aðstoðaskólastjórar eða skólastjórar 24 ára eða undir....talandi um að vera að fara að tilheyra minnihlutahóp...

Annars sit ég og bíð eftir tölvupóstum. Þar sem ég er einstaklega mikið fyrir að gera hlutina sjálf þá fer það náttúrulega óstjórnlega í taugarnar á mér þegar ég þarf að bíða eftir öðrum til að geta haldið áfram með mín verkefni. Ég get samt alveg gert helling annað, ég er bara þrjóskupúki á mánudagsmorgni.

Stefnan tekin á ógurlega læriviku áður en ferðalögin taka við í næstu viku. Ég verð að viðurkenna að ég er fáránlega spennt. Samt er ég búin að fara til Danmerkur tvisvar sinnum á þessu ári.

Ef ykkur leiðist annars á mánudegi (sem gerist að öllum líkindum!) þá er um að gera að blogga! Þá fæ ég eitthvað að lesa í athyglishléunum ;)

sunnudagur, apríl 02, 2006

Kennólífið að líða undir lok...

Um leið og ég er spennt að klára öll þessi verkefni sem valda mér magabólgum og geðvonskustressköstum er það á vissan hátt mjög sorglegt að tími minn í Kennó sé að verða búinn! Þessi önn er nú búin að vera voðalega léleg sökum þess að ég hef eiginlega ekkert verið í skólaum, heldur meira svona í sjálfsnámi eitthvað. Mæli ekki með því! En það er samt alltaf svo æðislegt að fara niður í skóla og hitta alltaf fólk sem að maður þekkir! Svona í tilefni af því set ég hér mynd af partýdýrum 1.D sem mættu á árshátíðina í ár. Úff...1.D- það jafnast sko ekkert á við það ár!

Þetta var væmni dagsins í boði Freyju B.ed skrifara Posted by Picasa

laugardagur, apríl 01, 2006

Rannsókn eða ekki rannsókn ?

11 dagar í skil á lokaritgerð í síðasta skipti til leiðbeinandans míns. Sama dag flýg ég til DK svo ekki er nokkur séns á að fresta.
Síðastliðnar vikur hef ég tönglast á því hvað ég sé hneikslu á fólki að vera að gera rannsókn í sambandi við lokaverkefnið sitt. Það taki nú allt of langan tíma, mikil úrvinnsla, vesen og svo framvegis. Í gær lagði leiðbeinandinn til við mig að ég gerði örlitla rannsókn - og ég rauk til og byrjaði að vinna í að finna allar spurningarnar sem ég vildi svo gjarnan fá svör við. Núna sit ég sveitt að reyna að átta mig á hvernig ég geti orðað spurningarnar svo að fólk skilji mig rétt, hvernig ég eigi að fara að því að fá svörin nógu fljótt og hvernig maður skrifi svona aðferðakafla...
Ég hefði átt að hneikslast aðeins meira á fólki fyrir að gera rannsókn, amk var enginn að fara að framkvæma eina slíka 11 dögum fyrir skiladag...! Ég held þetta hafi verið einföld öfund allan tímann, mér finnst nefninlega svo leiðinlegt að skrifa fræðilegar heimildaritgerðir

Damm = tjörn á skandínavísku

Gærdagurinn var æði. Æði. Æði! :) Svona föstudagar gefa svo miklu meira en föstudagurinn sem ég var búin að plana. Hápunktar dagsins:
- hvítvín fyrir kl 12 á hádegi
- frábærasti félagskapur í heimi
- bjór, tjörnin og endurnar fyrir kl 19 - í brjálaðri blíðu :)
- að fá nokkur vinnutilboð á 2 klst.....enda voru fleiri skólastjórar en kennaranemar samankomnir þarna ;)
- Símanúmerarán eftir góðan sopa úr bangsanum góða :)
- skemmtilegi leigubílstjórinn sem hló að öllum bröndurunum mínum. Vá hvað hann var góður í reglunni "viðskiptavinurinn hefur alltaf rétt fyrir sér!" ;)

...og fullt af fleiri skemmtilegum hlutum. Í dag vaknaði ég fersk kl hálf tíu, keyrði í Grafarvoginn að sækja námsbækur og er svo búin að sitja sveitt yfir fjarnámi/dreifnámi/blönduðu námi hér í allan morgun! Er að hugsa um að skella mér útí rannsókn...hvernig lýst ykkur á ?