Freyja tímabundin

Hér mun kjúlli sjálfur bulla í óákveðinn tíma þar til kjúlli sjálfur lifnar aftur til lífsins. Njótið heil

sunnudagur, apríl 23, 2006

Flittig Freyja

Hvað er málið með snjóinn í fjöllunum og gráa og ljóta veðrið? Mig langar í sól! Það er nú einu sinni komið sumar!
Eitt stykki margmiðlunardiskur tilbúinn með mismerkilegum og gáfulegum texta sem tilheyrir Leikjakúrs sem ég var að klára. Fjúkk...eitthvað búið amk ! Nú sit ég bara hér og svitna yfir öllum athugasemdunum við B.edið mitt frá kennaranum mínum. Well, henni finnst þetta fallegri ritgerð en mér finnst...en það eina sem hægt er að gera í því núna er hreinlega að spíta í lófana og laga þennan texta þar til hann verður prenthæfur! Ekkert annað í boði.

Aðal umræðuefni í Kennó þessa dagana er hvert fólk er búið að ráða sig í vinnu. Þá fæ ég illt í magann...ég er náttla ekkert búin að gera í þessum málum í langan tíma og hef ekki tíma fyrr en í maí...þá verður það eflaust of seint. Hvar ætli ég endi næsta vetur.....sem verslunarstjóri í Nettó? Seinnitímavandamál...

Jæja, þetta gengur ekki. Ég þarf að fara að koma mér niður í skóla til að fá aðgang að Encyclopedia of distance learning sem ég fæ bara aðgang í gegnum KHÍ netið. Spurning hvort að ég ætti að hita mér kakó og taka með mér í hitabrúsa? Ég fæ amk góða pásu í kvöld þegar ég fer í afmæliskaffi til Helgu :) Ohh hvað það verður gott að hitta fólk sem talar ekkert um B.ed! :)

Þessi pistill var í boði námsálags sem einkennist alltaf af extra mörgum stafsetningarvillum, úrillu og bloggþarfar. Kemur oftast fram í Maí...en er óvenju snemma á ferðinni þetta árið.

2 Comments:

  • At 11:20 e.h., Blogger Jónas said…

    Bíddu, átti ég alveg eftir að kommenta við þessa færslu? hvörslags er þetta eiginlega? Jæja, hér kemur það þá.

     
  • At 5:29 f.h., Anonymous Nafnlaus said…

    Greyið Freyja en örvæntu ekki, við höfum fulla trú á þér. Og skólarnir eiga eftir að rífast um þig þegar það að kemur. Biðjum að heilsa öllum, Ásdís og kennarafíflið sem tók niður fyrir sig :)

     

Skrifa ummæli

<< Home